सुशांत सिंग राजपूत , कुशाग्र बुद्धी असलेला अभिनय पारंगत आणि विविध कला गुण जोपासणारा, एक युवा कलाकार हिंदी चित्रपट सृष्टीला लाभला होता , ‘होता ‘ हे लिहीण्यास मन मानत नाही . लॉकडाऊन मुळे संथ पणे जात असलेल्या दिवासत अचानक मोबाईल वर सुशांतविषयी बातमी आली आणि मन अशांत झाले. 

 सुशांतने माझे दुसरे भाकीत मोडले ,त्याचे असे निघून जाणे हे फारच दुःखद आहे ,किंबहुना विश्वास करण्या पलीकडे आहे . मृत्यू हा आत्महत्या आहे असे कितीही सांगितलं तरीहि , त्याचा प्रशंसकांना हा जास्त खून आहे असेच वाटते . सुशांतला, जर मानसिक आजार असता तर ते त्याचा वागणुकीतून दिसून आले असते,जसे बहुतांश डिप्रेस्ड लोकांमध्ये पाहायला मिळतात. जसे ते जास्त दारू किंवा नशेचे पदार्थ अतिसेवन करतात. ते विचीत्र वागतात त्यांना काही भान नसते किंवा त्यांच्या कामा मध्ये त्याचे पडसाद दिसतात ,पण अशा आशयाच्या बातम्या ह्या पुर्वी कानावर कधी आल्या नव्हत्या .

सुशांत या पुर्वी ‘ छिछोरे’ सारखा चित्रपट करतो, त्यात तो प्रेक्षकांना उत्त्तम संदेश देतो ,की लढायचे असते. आज जर हरलो असेल तर हा काही शेवट नाही आणि स्वतःच तसाच शेवट करून निघून जातो हे कोणाचेच मन मानत नाहीच. तो स्वतःहून काही कारणांस्तव गेला असता तर काही तरी कमीतकमी लिहून गेला असता ,जामुळे त्याच्या जाण्याचे कारण तर कळले असते . पुढे आलेले पुरावे आणि त्याचा सॊबतच्या लोकांची वागणूक रहस्यमयी आहे .

सुशांत कडे भरपूर कार्यक्षेत्रांमध्ये स्वतःला सामावून घ्यायची क्षमता होती. त्याची आर्थिक परिस्तिथी ही एका श्रीमंत व्यक्ति ला साजेशी होती . सुशांतला भीक लागली नव्हती आत्महत्या करायला . डिप्रेशन ,मानसिक आजार हे कारण पुढे केल्या जात आहेत ,खरच सुशांत मानसिक आजारी होता,की त्याला कोणी सुचवले कि तो मानसिक आजारी आहे, औदासिन्यतेने ग्रसित आहे ,हा सुधा शोधाचा विषय आहे. असले त्रास आपल्या सॊबतचे मित्र अनुभवतात आणि असे त्रास हे बहुतेकदा आपल्या चर्चेचे विषय असतात. अनेक वेळा आपणपण दुसऱ्याला पॉझिटिव्हिटी बद्दल सल्ले देत असतो.

जीवनमार्गात आपणही कधी तरी खचून तसा अनुभव घेत असतो . बहुतेक वेळा आपण आपले अनुभव आपल्या मित्रांच्या जीवनाशी तुलना करतो . मित्रानेच सांगितले म्हणून आपण पण तसा विचार करतो आणि हे जर सातत्याने होत राहिले तर आपण नक्कीच मित्राने सुचविल्या डॉक्टर कडेच जातो . डॉक्टर्स त्यांचा अनुभवानुसार नुसार पेशंटचा उपचार करत असतात परंतु पेशंट त्याचा मानसिक त्रासाने आणखी गुरफटत जातो ,ह्यात त्याचा स्वतःच्याच मेंदूशी वाद चाललेला असतो . असले मानसिक आजार एखाद्या नॉन्स्ट्रगलरला जास्त होणाची शक्यता असते , परंतु सुशांत हा नॉन्स्ट्रगलर नव्हता .